Connect with us

Entertainment

മിക്കി മൗസിന്റെ പിതാവ് വാള്‍ട്ട് ഡിസ്‌നിയല്ല! ജനപ്രിയ കാര്‍ട്ടൂണിനു പിന്നിലെ കഥ

മിക്കിയെ ഓർക്കുമ്പോൾ ആരുടെയും മനസ്സിൽ തെളിഞ്ഞു വരുന്ന മറ്റൊരു നാമമാണ് വാൾട്ട് ഡിസ്നി

Published

on

റാഷിദ് പറശ്ശേരി

മിക്കി മൗസ്…- നമ്മൾ കേട്ടുവളർന്ന കാർട്ടൂൺ കഥാപാത്രങ്ങളിൽ എന്നും ഒരു പ്രത്യേക തിളക്കം ഉണ്ടിവന്. മിക്കിയെ ഓർക്കുമ്പോൾ ആരുടെയും മനസ്സിൽ തെളിഞ്ഞു വരുന്ന മറ്റൊരു നാമമാണ് വാൾട്ട് ഡിസ്നി. മിക്കിയുടെ പിതാവായി ലോകം അംഗീകരിച്ചിരിക്കുന്നതും മിക്കിയുടെ കൂടെ എന്നും ഉയർന്നു കേൾക്കുന്നതും ഡിസ്‌നിയെ പറ്റി മാത്രമാണ്.



ദി വാൾട്ട് ഡിസ്‌നി കമ്പനി

1923 ഒക്ടോബര് മാസം 16-നാണ് വാൾട്ട് ഡിസ്നി അദ്ദേഹത്തിന്റെ സഹോദരൻ റോയ് ഒ ഡിസ്‌നിയെയും കൂട്ടി ദി വാൾട്ട് ഡിസ്നി കമ്പനി ആരംഭിക്കുന്നത്. അന്ന് അവരതിനു നൽകിയ പേര് ഡിസ്നി ബ്രദേർസ് കാർട്ടൂൺ സ്റ്റുഡിയോ എന്നായിരുന്നു. ഓസ്വാൾഡ് ദ ലക്കി റാബ്ബിറ്റ് ആയിരുന്നു അവരുടെ ആദ്യത്തെ ശ്രദ്ധിക്കപ്പെട്ട കഥാപാത്രം. ചാൾസ് മിന്റ്സ് എന്ന നിർമാതാവിന് വേണ്ടിയായിരുന്നു ഓസ്വാൾഡ് ദ ലക്കി റാബ്ബിറ്റ് പിറവികൊണ്ടത്. അവന്റെ മൊത്തത്തിലുള്ള വിതരണാവകാശം യൂണിവേഴ്‌സൽ സ്റ്റു
ഡിയോക്കായിരുന്നു.

വാള്‍ട്ട് ഡിസ്‌നിയും അബ് ഐവര്‍ക്‌സും
വാള്‍ട്ട് ഡിസ്‌നിയും അബ് ഐവര്‍ക്‌സും

ഈ ബന്ധത്തിൽ ഡിസ്നി ഏതാണ്ട് 26 സീരീസ് ചെയ്തുകൊടുത്തു. പിന്നീട് വരുമാനം പങ്കുവെയ്ക്കുന്നതുമായി ബന്ധപ്പെട്ടുള്ള തർക്കത്തിൽ ആ ബന്ധം അവസാനിച്ചു. താൻ രൂപം കൊടുത്ത കാർട്ടൂൺ കഥാപാത്രത്തിന്റെ അവകാശം നേടിയെടുക്കാൻ പക്ഷെ ഡിസ്നിക്കായില്ല. മാത്രമല്ല ഈ തർക്കത്തിനിടയിൽ മിന്റ്സ് തന്റെ തന്ത്രപരമായ നീക്കത്തിലൂടെ ഡിസ്നിയിലെ അഞ്ചിൽ നാല് പ്രധാന അനിമേറ്റർമാരെയും തന്റെ പുതിയ സംരംഭമായ സ്‌നാപ്പി കോമഡീസിലേക്ക് കൊണ്ടുപോയി. ഈ വൻ തകർച്ചയിലും ഡിസ്നി പിടിച്ചുനിന്നത് അല്ലെങ്കിൽ ഡിസ്നി എന്ന വിസ്മയം ലോകത്തിനു നൽകിയത് അബ് ഐവർക്സ് എന്ന അദ്ദേഹത്തിന്റെ കൂട്ടുകാരനും ഡിസ്നി കമ്പനിയിലെ പ്രധാന അനിമേറ്റരുടെ ധീരമായ തീരുമാനമായിരുന്നു.

മിന്റ്‌സിന്റെ വാഗ്ദാനങ്ങള്ക്കു മുന്നിൽ ഐവർക്സ് പിടിച്ചു നിന്നു. ഒപ്പം തകർന്നിരിക്കുന്ന ഡിസ്നി കമ്പനിയെ വീണ്ടും ഉയർത്തിക്കൊണ്ടുവരാൻ തീരുമാനമെടുക്കുകയും ചെയ്തു.



മിക്കിയുടെ ജനനം

മിന്റസിനുള്ള മറുപടിക്കായും നിലനില്പിനായും ഒരു വേറിട്ട കാർട്ടൂൺ കഥാപാത്രം ഐവർക്സിനും ഡിസ്നിക്കും അത്യാവശ്യമായിരുന്നു. പിന്നീടുള്ള ദിവസങ്ങൾ അവർ അതിനുള്ള കഠിനപ്രയത്നങ്ങളിലായിരുന്നു. ഡിസ്‌നിക്ക് വേണ്ടി ഓസ്വാൾഡ് ദ ലക്കി റാബ്ബിറ്റ് എന്ന ഹിറ്റ് കഥാപാത്രത്തെ സൃഷ്‌ടിച്ച ഐവർക്‌സിനു പക്ഷെ പുതിയൊരെണ്ണം കണ്ടെത്തുക അത്ര എളുപ്പമുള്ള ജോലി ആയിരുന്നില്ല. ഐവർക്‌സിന്റെ ഭാവനയിൽ പശുവും പൂച്ചയും പട്ടിയും കുതിരയും എന്ന് വേണ്ട അവസാനം തവളയും പച്ചകുതിരയും വരെ പല രൂപങ്ങൾ പൂണ്ടു. പക്ഷെ ഇവയൊന്നിലും ഡിസ്‌നിക്ക് തൃപ്തി ലഭിച്ചില്ല. ഇതിനിടയിലാണ് ഡിസ്നി അദ്ദേഹത്തിന്റെ പഴയ സ്റ്റുഡിയോ ആയ ലാഫ് ഓ ഗ്രാമിലെ തന്റെ വളർത്തുമൃഗമായ എലിയെ കുറിച് ഐവെർക്സിനോട് പറയുന്നത്. പിന്നീടുള്ള ഐവെക്‌സിന്റെ ശ്രമങ്ങളെല്ലാം ഈ എലിയെ ചുറ്റിപറ്റിയായിരുന്നു. ഒടുവിൽ അദ്ദേഹം നാം കാണുന്ന മിക്കി മൗസ് എന്ന നിത്യ ഹരിത നായകനു ജന്മംനൽകി.

പക്ഷെ ദുരിതങ്ങൾക്കു വിരാമമായിട്ടുണ്ടായിരുന്നില്ല. മിക്കിക്കു ജന്മം നൽകിയെങ്കിലും യൂണിവേഴ്‌സൽ സ്റ്റുഡിയോയുമായുള്ള കരാർ അവസാനിച്ചിരുന്നില്ല. അതുകൊണ്ട് തന്നെ മിക്കിയെ വച്ചുള്ള തങ്ങളുടെ ആദ്യത്തെ ചിത്രത്തിന്റെ ജോലി ഐവർക്സ് ചെയ്യുന്നത് പാത്തും പതുങ്ങിയുമായിരുന്നു. ഐവർക്സ് എന്ന മാന്ത്രിക കലാകാരന്റെ മഹത്വം ലോകത്തോട് വിളിച്ചു പറയുന്നതായിരുന്നു പിന്നീടുള്ള കാലം. ഐവെർക്‌സും ഡിസ്നിയും കൂടി സംവിധാനം ചെയ്ത ആദ്യത്തെ ചിത്രത്തിനായുള്ള ജോലികൾ ഐവർക്സ് തീർക്കുന്നത് വെറും രണ്ടാഴ്ചകൊണ്ടാണ്. അതായത് അദ്ദേഹം ഒരു ദിവസം വരച്ചത് ശരാശരി 700-ഓളം ചിത്രങ്ങളാണ്.

മിക്കിയും ഓസ്വാൾഡും

തുടക്കം പരാജയത്തിലൂടെ…


1928 മെയ് മാസം 15ന് അവർ അവരുടെ ആദ്യത്തെ ചിത്രമായ പ്ലെയിൻ ക്രേസിയുടെ പരീക്ഷണ പ്രദശനം നടത്തി. പ്രദശനത്തിനെത്തിയ കാണികളെ പ്രീതിപ്പെടുത്താൻ പ്ലെയിൻ ക്രേസിക്കായില്ല എന്നു മാത്രമല്ല ഈ ചിത്രത്തിന്റെ വിതരണം ഏറ്റെടുക്കാൻ വിതരണക്കാരാരും തയ്യാറായതുമില്ല. തൊട്ടു പിറകെ വന്ന ദ ഗാലോപിന്‍ ഗൗച്ചോ
യുടെ സ്ഥിതിയും ഒട്ടും വ്യത്യസ്തമല്ലായിരുന്നു. ഈ രണ്ടു ചിത്രങ്ങളും ഐവർക്സ് എന്ന പ്രതിഭയുടെ ഒറ്റയ്ക്കുള്ള ഡിസൈൻ വർക്കുകളായിരുന്നു. ഒന്നിൽ പിഴച്ചാൽ മൂന്ന് എന്ന പഴമൊഴിയെ അന്വർഥമാക്കി മൂന്നാമത്തെ ചിത്രമായ സ്റ്റീബോട്ട് വില്ലി (1928 നവംബർ 18) മിക്കിയുടെ വിജയയാത്രകളുടെ തുടക്കമായി. മിക്കി എന്ന തരംഗം പിന്നീട 130-ലതികം ചിത്രങ്ങളിൽ നിറഞ്ഞു നിന്നു. 1978-ൽ ഹോളിവുഡ് ‘Walk of Fame’ ലഭിക്കുന്ന ആദ്യത്തെ കാർട്ടൂൺ കഥാപാത്രമായി മിക്കി.


സ്റ്റീബോട്ട് വില്ലി

അബ് ഐവര്‍ക്‌സ്‌ ചിത്രത്തിനു പുറത്തേക്ക്



അബ് ഐവർക്സ്  

മിക്കിയുടെ പ്രശസ്തി ഡിസ്‌നിയെ കൊണ്ടെത്തിച്ചത് ലോകത്തിന്റെ നെറുകയിൽ തന്നെ ആയിരുന്നു. പക്ഷെ ഇതിനിടയിൽ മിക്കിയുടെ പിറവിയിൽ ഡിസ്നിയോളം തന്നെ പങ്ക് വഹിച്ച അബ് അബ് ഐവർക്സിനെ ചരിത്രം അർഹിക്കുന്ന അംഗീകാരം നൽകാതെ മാറ്റി നിർത്തി. ഇതിൽ ഐവർക്സിന്റെ പങ്കും ചെറുതല്ല എന്ന് തന്നെ പറയേണ്ടി വെരും. കാരണം ഈ മാറ്റി നിർത്തലിനു പ്രധാന കാരണമായി നമുക് കാണാന്‍ സാധിക്കുന്നത് തന്റെ ശതമാനം ഷെയർ തിരിച്ചു നൽകി 1930-ൽ അദ്ദേഹം സ്വന്തം കമ്പനിക്ക് രൂപം നൽകിയതാണ്. താൽക്കാലികമായ ചില വിജയങ്ങളെ മാറ്റി നിര്‍ത്തിയാല്‍ ഒന്നും തന്നെ നേടാൻ എവെര്ക്സിന്റെ ഈ സ്ഥാപനത്തിന് സാധിച്ചിട്ടില്ല.

തിരികെ വീണ്ടും ഡിസ്‌നിയിലേക്കു തന്നെ കാലം അദ്ദേഹത്തെ തിരിച്ചയച്ചു. 300-ലധികം ചിത്രങ്ങൾ ലോകത്തിനു സമ്മാനിച്ചിട്ടും ആദ്യത്തെ കളർ-സൗണ്ട് കാർട്ടൂൺ (ഫ്ളിപ് ദ ഫ്രോഗ്) അവതരിപ്പിച്ചിട്ടും മിക്കിയെയും ഡിസ്‌നിയെയും അറിയുന്ന ലോകം അബ് ഐവര്‍ക്‌സിനെ അറിയാൻ ഗൂഗിൾ നോക്കേണ്ട അവസ്ഥയാണ്.

Entertainment

അമ്മയ്ക്ക് വരനെ തേടുന്ന മരുമകള്‍; വേറിട്ട കഥയുമായി ‘മനംപോലെ മംഗല്യം’ സീ കേരളത്തില്‍ ഉടന്‍

പതിവു അമ്മായിയമ്മ-മരുമകള്‍ പ്രമേയങ്ങളില്‍ നിന്ന് വേറിട്ട് നില്‍ക്കുന്ന പുതുമയുള്ള കഥ

Published

on

കൊച്ചി: മലയാളത്തിലെ വിനോദ ടിവി പ്രേക്ഷകര്‍ക്കൊപ്പം രണ്ടാം വാര്‍ഷികം ആഘോഷിച്ച സീ കേരളം പുതുമകളോടെ മറ്റൊരു സീരിയല്‍ കൂടി ആരംഭിക്കുന്നു. പതിവു അമ്മായിയമ്മ-മരുമകള്‍ പ്രമേയങ്ങളില്‍ നിന്ന് വേറിട്ട് നില്‍ക്കുന്ന പുതുമയുള്ള കഥയുമായി ‘മനംപോലെ മംഗല്യം’ സീരിയല്‍ ഉടന്‍ പ്രേക്ഷകരിലെത്തും. മികച്ച സ്വഭാവ നടിക്കുള്ള ഈ വര്‍ഷത്തെ സംസ്ഥാന ചലച്ചിത്ര പുരസ്‌ക്കാരം നേടിയ സ്വാസിക ഈ പരമ്പരയിലെ മുഖ്യവേഷത്തിലൂടെ വീണ്ടും മലയാള ടിവി പ്രേക്ഷകരിലേക്ക് തിരിച്ചെത്തുന്നു. നിള എന്ന മരുമകളായാണ് സ്വാസിക വേഷമിടുന്നത്. മീര എന്ന അമ്മായിയമ്മയായി ‘ഞാന്‍ പ്രകാശന്‍’ എന്ന സിനിമയിലൂടെ അരങ്ങേറ്റം കുറിച്ച നടി മീര നായര്‍ എത്തുന്നു. ‘ക്ഷണക്കത്ത്’ എന്ന സിനിമയിലൂടെ രംഗത്തുവന്ന യുവനടന്‍ നിയാസ് മുസ്ലിയാര്‍ അരവിന്ദ് രാജ് എന്ന നായക കഥാപാത്രമായി വേഷമിടുന്നു. പുരോഗമനവാദിയായ മീരയുടെ യാഥാസ്ഥിതികനായ മകന്‍ നിഖില്‍ ആയി എത്തുന്നത് നടന്‍ ശ്രീകാന്താണ്.

അമ്മായിയമ്മ-മരുമകള്‍ പതിവു ബന്ധത്തെ പുനര്‍നിര്‍വചിച്ച് പുതിയൊതു ചിന്താധാരയ്ക്ക് വഴിതെളിക്കുന്നതാണ് ഈ പരമ്പരയുടെ പ്രമേയം. പ്രേക്ഷകരെ ഗുണപരമായി സ്വാധീനിക്കാന്‍ ഈ കഥയ്ക്കു കഴിയുമെന്ന് അണിയറ പ്രവര്‍ത്തകര്‍ പറയുന്നു. പതിവു കഥാപാത്ര രീതികളെ പൊളിച്ചെഴുതുന്ന പുതിയൊരു കാഴ്ചാനുഭവമായിരിക്കും മനംപോലെ മംഗല്യം നല്‍കുന്നത്. തിരുവനന്തപുരത്ത് ചിത്രീകരണം പുരോഗമിക്കുന്ന പരമ്പര ഈ മാസം തന്നെ സീ കേരളത്തില്‍ കണ്ടു തുടങ്ങാം.  

Continue Reading

Entertainment

വൈകിയുള്ള അരങ്ങേറ്റം, ജീവിതത്തിലെ പുതിയ വേഷം; വൈഷ്ണവി മനസ്സുതുറക്കുന്നു

അഭിനയ രംഗത്തെ അരങ്ങേറ്റത്തെ കുറിച്ച് നടൻ സായ്കുമാറിന്റെ മകൾ വൈഷ്ണവി ആദ്യമായി മനസ്സുതുറക്കുന്നു

Published

on

പ്രമേയ വൈവിധ്യം കൊണ്ട് വാര്‍ത്തകളില്‍ ഇടം നേടിയ, സീ കേരളം അവതരിപ്പിക്കുന്ന പുതിയ സീരിയല്‍ ‘കൈയെത്തും ദൂരത്ത്’ മറ്റൊരു സവിശേഷത കൊണ്ടു കൂടി ശ്രദ്ധേയമായിരിക്കുകയാണ്. യുവനടി വൈഷ്ണവി സായ്കുമാറിന്റെ അരങ്ങേറ്റം ഈ പരമ്പരയിലൂടെയാണ്. സമ്പന്നമായ അഭിനയ പാരമ്പര്യമുള്ള കുടുംബ പശ്ചാത്തലത്തില്‍ നിന്ന് വരുന്ന വൈഷ്ണവി നടന്‍ സായ്കുമാറിന്റെ മകളും ഇതിഹാസ നടന്‍ കൊട്ടാരക്കര ശ്രീധരന്‍ നായരുടെ കൊച്ചുമകളും കൂടിയാണ്. അമ്മ പ്രസന്നകുമാരിയും അഭിനേത്രിയും ഗായികയുമാണ്. കൂടാതെ കുടുംബത്തില്‍ പലരും മലയാള ടിവി, സിനിമാ അഭിനയ രംഗത്ത് സജീവമായുണ്ട്. തന്റെ അരങ്ങേറ്റത്തെ കുറിച്ചും സീ കേരളം കുടുംബത്തിലേക്കുള്ള വരവിനെ കുറിച്ചും വൈഷ്ണവി ആദ്യമായി നല്‍കിയ അഭിമുഖത്തില്‍ മനസ്സുതുറക്കുന്നു.

‘കൈയെത്തും ദൂരത്തി’ലെ റോള്‍ ഏറ്റെടുക്കാനുണ്ടായ പ്രേരണ എന്തായിരുന്നു? ജീവിതത്തില്‍ ഈ ഘട്ടത്തിലെത്തി നില്‍ക്കുമ്പോള്‍ അഭിനയ രംഗത്തേക്കു വരാനുള്ള കാരണം?

അച്ഛനും അമ്മയും മുത്തച്ഛനും കുടുംബത്തില്‍ മറ്റു പലരും അഭിനയ രംഗത്ത് മുദ്രപതിപ്പിച്ചവരാണെങ്കിലും ഒരിക്കലും ഒരു നടി ആകണമെന്ന് ഞാന്‍ ആഗ്രഹിച്ചിട്ടുണ്ടായിരുന്നില്ല. ആദ്യം പഠനം പൂര്‍ത്തിയാക്കുക എന്നതായിരുന്നു മാതാപിതാക്കളുടെ ആഗ്രഹം. ഇംഗ്ലീഷ് സാഹിത്യത്തില്‍ പഠനം പൂര്‍ത്തിയാക്കുന്നതിലായിരുന്നു എനിക്കും താല്‍പര്യം. എന്റെ നാടായ കൊല്ലത്ത് ഒരു സ്ഥാപനത്തില്‍ അധ്യാപികയായി ജോലി തുടങ്ങുകയും ചെയ്തിരുന്നു. പിന്നീട് വിവാഹ ശേഷം ദുബായിലേക്കു പോയി. ഭര്‍ത്താവ് സുജിത് കുമാറാണ് അഭിനയ രംഗത്തേക്ക് കടന്നുവരാന്‍ എന്നെ പ്രചോദിപ്പിച്ചു കൊണ്ടിരുന്നത്. അദ്ദേഹത്തിന്റെ പിന്തുണയും പ്രോത്സാഹനവുമാണ് ജീവിതത്തില്‍ ഇങ്ങനെ ഒരു വഴിത്തിരിവിനു കാരണമായത്.

അഭിയനയ രംഗത്ത് പുതുമുഖമാണ്. കാമറയെ അഭിമുഖീകരിച്ച ആദ്യം അനുഭവത്തെ കുറിച്ച് എന്തു പറയുന്നു?

സംതൃപ്തി നിറഞ്ഞ അനുഭവമാണ്. കുട്ടിക്കാലത്ത് ‘ഏഴുവാരങ്ങള്‍’ എന്ന പേരില്‍ ഒരു ടിവി സിനിമയില്‍ അഭിനയിച്ചിരുന്നു. അത് രണ്ടോ മൂന്നോ രംഗങ്ങളില്‍ മാത്രമായിരുന്നു. അച്ഛനും കൂടെ ഉണ്ടായിരുന്നത് കൊണ്ട് അന്ന് ഒരു പ്രയാസവും ഉണ്ടായില്ല. എന്നാല്‍ കൈയെത്തും ദൂരത്തില്‍ എത്തിയപ്പോള്‍ അല്‍പ്പം ടെന്‍ഷന്‍ ഉണ്ടായിരുന്നു. സഹതാരങ്ങളെല്ലാം നന്നായി പിന്തുണച്ചു. അവരുടെ കൂടി സഹായത്തോടെ എന്റെ റോള്‍ ഭംഗിയായി ചെയ്യാന്‍ ശ്രമിച്ചു. ഈ റോളില്‍ എന്റെ പ്രകടനം ഇനി വിലയിരുത്തേണ്ടത് പ്രേക്ഷകരാണ്.

‘കൈയെത്തും ദൂരത്തി’ല്‍ എങ്ങനെയാണ് എത്തിപ്പെട്ടത്?

ടിവി രംഗത്തുള്ള ഒരു സുഹൃത്ത് വഴിയാണ് ഇതു സംഭവിച്ചത്. ഈ അവസരം വന്നപ്പോള്‍ ഭര്‍ത്താവും അമ്മയും പിന്തുണച്ചു. അഭിനയ രംഗത്തേക്ക് വരണമെന്ന്‌ ആഗ്രഹിച്ചിരുന്നില്ലെങ്കിലും ഈ റോളിനോട് നീതി പുലര്‍ത്താന്‍ എന്റെ പാരമ്പര്യം ആത്മവിശ്വാസം നല്‍കി.

ഈ പരമ്പരയില്‍ പ്രായത്തേക്കാള്‍ മുതിര്‍ന്ന ഒരു കഥാപാത്രത്തെയാണ് അവതരിപ്പിക്കുന്നത്. ഇതിനായുള്ള തയാറെടുപ്പുകള്‍ എങ്ങനെയായിരുന്നു?

അതിനു ഞാന്‍ അച്ഛനോടും മുത്തച്ഛനോടും കടപ്പെട്ടിരിക്കുന്നു. അരനാഴികനേരം എന്ന സിനിമയില്‍ എന്റെ മുത്തച്ഛന്‍ 90 വയസ്സുള്ള  കഥാപാത്രമായി അഭിനയിക്കുമ്പോള്‍ അദ്ദേഹത്തിന് 45 വയസായിരുന്നു പ്രായം. എന്റെ അച്ഛനും അദ്ദേഹത്തേക്കാള്‍ പ്രായമുള്ള നിരവധി കഥാപാത്രങ്ങളെ മികവോടെ അവതരിപ്പിച്ചിട്ടുണ്ട്. ഇതാണ് പ്രായക്കൂടുതലുള്ള റോള്‍ ഏറ്റെടുക്കാന്‍ പ്രചോദിപ്പിച്ചത്. ഈ റോളിനോട് എത്രത്തോളം നീതി പുലര്‍ത്തുന്നു എന്നതിലാണ് എല്ലാം.

ഈ സീരിയലില്‍ താങ്കളുടേത് നെഗറ്റീവ് റോള്‍ ആണോ?

അതെ. സ്‌ക്രീന്‍ ടെസ്റ്റില്‍ എനിക്ക് രണ്ടു വ്യത്യസ്ത റോളുകളാണ് തന്നിരുന്നത്. ഒന്ന് നെഗറ്റീവും മറ്റൊന്നു പോസിറ്റീവുമായിരുന്നു. രണ്ടും നന്നായി ചെയ്‌തെന്ന് സംവിധായകന്‍ പറഞ്ഞു. ഇഷ്ടപ്പെട്ട ഒരു റോള്‍ എടുക്കാനും പറഞ്ഞു. ഞാന്‍ നെഗറ്റീവ് സ്വഭാവമുള്ള റോള്‍ ആണ് തെരഞ്ഞെടുത്തത്. ആ റോളിലുപരിയായി, ഒരു അഭിനേതാവ് എന്ന നിലയില്‍ അതു നല്‍കുന്ന അഭിനയ സാധ്യതകളും പരിഗണിച്ചായിരുന്നു ഈ തെരഞ്ഞെടുപ്പ്. എനിക്കത് വളരെ ആകര്‍ഷകമായി തോന്നി.

സീരിയല്‍ ചിത്രീകരണം ഒരു കുടുംബം ഒന്നിച്ചു ജോലി ചെയ്യുന്ന പോലെയാണ്. സഹതാരങ്ങളുമായുള്ള സൗഹൃദം എങ്ങനെയായിരുന്നു? സെറ്റിനു പുറത്തും നിങ്ങളെല്ലാവരും ഒന്നിച്ചു സമയം ചെലവിടാറുണ്ടോ?

അവരുടെ പിന്തുണ ഇല്ലായിരുന്നുവെങ്കില്‍ എന്റെ റോള്‍ ആശങ്കകളില്ലാതെ എനിക്ക് ചെയ്യാന്‍ കഴിയുമായിരുന്നില്ല. അവരെല്ലാവരും വളരെ സീനിയറും ഇന്‍ഡസ്ട്രിയില്‍ വര്‍ഷങ്ങളായി ഉള്ളവരുമാണ്. അവരുടെ നിര്‍ദേശങ്ങളും ഉപദേശങ്ങളും ഏറെ സഹായിച്ചിട്ടുണ്ട്. ഞങ്ങളെല്ലാം ഒരു കുടുംബത്തെ പോലെയാണ്. എല്ലാവര്‍ക്കും സഹായമെത്തിക്കാന്‍ ശ്രദ്ധ കാണിക്കുന്ന പ്രൊഡ്യൂസര്‍ക്കും എന്റെ നന്ദിയുണ്ട്. അവരും സഹതാരങ്ങളുമെല്ലാം എനിക്ക് പ്രചോദനമാണ്. വാര്‍ഷികം ആഘോഷിക്കുന്ന വേളയില്‍ തന്നെ സീ കേരളവുമായി ബന്ധപ്പെട്ടു പ്രവര്‍ത്തിക്കാനായതില്‍ അതിയായ സന്തോഷമുണ്ട്. ഒരു നവാഗത എന്ന നിലയില്‍ ഇത് അഭിമാനവും വലിയ പ്രചോദനവും നല്‍കുന്നതാണ്.

ഒഴിവു സമയത്തെ ഹോബികള്‍?
വായനയും സിനിമ കാണലുമാണ് എനിക്കിഷ്ടം. പെയ്ന്റിങും ചെയ്യാറുണ്ട്.

Continue Reading

Entertainment

കല്ലുവും മാത്തുവും സീ കേരളത്തിലൂടെ തിരിച്ചെത്തുന്നു; ‘ലെറ്റ്‌സ് റോക്ക് ആന്‍ഡ് റോള്‍’ ഉടന്‍

Published

on

ഒരിടവേളക്ക് ശേഷം മലയാളത്തിന്റെ പ്രിയ അവതാരകരായ രാജ് കലേഷ് എന്ന കല്ലുവും, മാത്തുകുട്ടി എന്ന മാത്തുവും മിനി സ്‌ക്രീനില്‍ തിരിച്ചെത്തുന്നു. സീ കേരളം അവതരിപ്പിക്കുന്ന വൈവിധ്യമാര്‍ന്ന ‘ലെറ്റ്‌സ് റോക്ക് ആന്‍ഡ് റോള്‍’ എന്ന പുതിയ സംഗീത വിനോദ പരിപാടിയിലൂടെയാണ് ഇവർ വീണ്ടും ടിവി പ്രേക്ഷകര്‍ക്കു മുമ്പിലെത്തുന്നത്. ഷോയുടെ വ്യത്യസ്ത ഉള്ളടക്കത്തിലേക്ക് സൂചന നല്‍കുന്ന ഇരുവരുടേയും ചാറ്റ് കഴിഞ്ഞ ദിവസം സീ കേരളം സോഷ്യല്‍ മീഡിയയില്‍ പങ്കുവെച്ചിരുന്നു. സ്റ്റുഡിയോക്കു പുറത്ത് പ്രേക്ഷകര്‍ക്ക് വിനോദവും വിജ്ഞാനവും വിളമ്പുന്ന പതിവു രീതിയില്‍ നിന്ന് വ്യത്യസ്തമായി സെറ്റിനകത്ത് എങ്ങനെയാകും ആങ്കറിങ് എന്നതായിരുന്നു ഈ പ്രൊമോ വിഡിയോയില്‍ കല്ലുവിന്റേയും മാത്തുവിന്റേയും ചര്‍ച്ച.

മാന്ത്രികനും, ഷെഫുമൊക്കെയായി വിവിധ മേഖലയില്‍ തന്റെ വൈഭവം തെളിയിച്ചയാളാണ് കലേഷ് എന്ന കല്ലു. അവതാരകനും നടനുമാണ് മാത്തുക്കുട്ടി. രണ്ടു പേരും ചേര്‍ന്നാല്‍ ചിരിയുടെ പൊടിപൂരം തന്നെ കാഴ്ചക്കാര്‍ക്കായി ഒരുക്കുമെന്ന് ഇരുവരും തെളിയിച്ചതാണ്. അതില്‍ നിന്ന് ഒട്ടും വ്യത്യസ്തമല്ല രണ്ടു പേരും വീണ്ടും ഒന്നിച്ചെത്തുന്ന ‘ലെറ്റ്‌സ് റോക്ക് ആന്‍ഡ് റോള്‍’. പ്രോമോ വീഡിയോയിലെ ചുരുക്കം ചില നര്‍മ നിമിഷങ്ങളില്‍ ഇതു വ്യക്തമാണ്.

‘ലെറ്റ്‌സ് റോക്ക് ആന്‍ഡ് റോള്‍’ ഏറെ വ്യത്യസ്തതകള്‍ നിറഞ്ഞ ഒരു സംഗീത വിനോദ പരിപാടിയായിരിക്കുമെന്ന് സീ കേരളം ഉറപ്പു നല്‍കുന്നു. എല്ലാത്തരം കാഴ്ചക്കാര്‍ക്കും ആസ്വദിക്കാന്‍ കഴിയുന്ന തരത്തിലാണ് ഒരുക്കിയിരിക്കുന്നത്. മലയാളത്തില്‍ ഏറെയൊന്നും കണ്ടിട്ടില്ലാത്ത ചില പരീക്ഷണങ്ങള്‍ കൂടി പരിപാടിയില്‍ ഉണ്ടാകും. സെലിബ്രിറ്റികളും സാധാരണക്കാരുമായിരിക്കും ഇതില്‍ പങ്കെടുക്കുക. ഓരോ എപ്പിസോഡും രസകരവും ഉദ്വേഗഭരിതവുമായിരിക്കുമെന്നാണ് സീ കേരളം പറയുന്നത്. നവംബര്‍ രണ്ടാം പകുതിയില്‍ ‘ലെറ്റ്‌സ് റോക്ക് ആന്‍ഡ് റോള്‍’ സീ കേരളം സംപ്രേഷണം ചെയ്തു തുടങ്ങും. പുതിയ ഒട്ടനവധി വിനോദ പരിപാടികളാണ് വരും നാളുകളില്‍ പ്രേക്ഷകര്‍ക്ക് മുന്നില്‍ എത്തിക്കാന്‍ സീ കേരളത്തിന്റെ അണിയറയില്‍ ഒരുങ്ങുന്നത്. ഈ നവംബറില്‍ രണ്ടു വര്‍ഷം പൂര്‍ത്തിയാക്കുകയാണ് സീ കേരളം.

Continue Reading
Advertisement

Trending

Copyright © 2020 Nowit Media.