Connect with us

Sports

യോഗ്യത നേടിയ എല്ലാ കായിക താരങ്ങള്‍ക്കും 2021 ഒളിംപിക്‌സ് ടിക്കറ്റ് ഉറപ്പായി

ടോക്കിയോ ഒളിംപിക്‌സിന് യോഗ്യത നേടിയ താരങ്ങള്‍ക്ക് 2021 ഒളിംപിക്‌സിൽ നേരിട്ട് പങ്കെടുക്കാം

Published

on

ആതന്‍സ്: കൊറോണയെ തുടര്‍ന്ന് നീട്ടിവെച്ച ഈ വര്‍ഷത്തെ ടോക്കിയോ ഒളിംപിക്‌സിന് യോഗ്യത നേടിയ എല്ലാ കായിക താരങ്ങള്‍ക്കും 2021ല്‍ നടക്കാനിരിക്കുന്ന ഒളിംപിക്‌സിലേക്ക് സീറ്റ് ഉറപ്പായി. ഇതിനകം 6200ഓളം താരങ്ങള്‍ യോഗ്യത നേടിക്കഴിഞ്ഞിട്ടുണ്ട്. ഇവര്‍ ഇനിയും യോഗ്യതാ മത്സരങ്ങളില്‍ പങ്കെടുക്കേണ്ടതില്ലെന്ന് രാജ്യാന്തര ഓളിംപിക് കമ്മിറ്റി (ഐഒസി) അറിയിച്ചു. 11000ഓളം താരങ്ങളാണ് വിവിധ ഇനങ്ങൡലായി ഒളിംപ്കിസില്‍ മത്സരിക്കുക. 43 ശതമാനത്തോളം പേര്‍ ഇനിയും യോഗ്യത നേടാനുണ്ട്. ഒളിംപിക്‌സിലെ പ്രധാന കായിക ഇനങ്ങള്‍ ഉള്‍പ്പെടെ പലതിലും യോഗ്യതാ മത്സരങ്ങള്‍ കൊറോണ കാരണം മാറ്റിവച്ചിരിക്കുകയാണ്. ഐഒസിയുടെ തീരുമാനം എല്ലാ രാജ്യാന്തര സ്‌പോര്‍ട്‌സ് സംഘടനകളും അംഗീകരിച്ചിട്ടുണ്ട്.

Continue Reading
Click to comment

Leave a Reply

Your email address will not be published. Required fields are marked *

Sports

ഇന്ത്യയില്‍ നിന്നുള്ള പെണ്‍കുട്ടികളുടെ ആദ്യ ക്രിക്കറ്റ് ടീം യുഎഇ പര്യടനത്തിന്

കേരളത്തിനു പുറമെ മേഘാലയ, കര്‍ണാടക എന്നിവിടങ്ങളില്‍ നിന്നുള്ള കളിക്കാരാണ് ടീമിലുള്ളത്.

Published

on

തിരുവനന്തപുരം- ഇന്ത്യയില്‍ നിന്നുള്ള പെണ്‍കുട്ടികളുടെ  ആദ്യ ക്രിക്കറ്റ് ടീം യുഎഇ പര്യടനത്തിനൊരുങ്ങുന്നു. തിരുവനന്തപുരം ആസ്ഥാനമായ പ്ലേ ട്രൂ എന്ന സ്ഥാപനമാണ് ദി പാത്ത്‌ബ്രെയ്‌ക്കേഴ്‌സ് എന്ന അമേച്വര്‍ ക്രിക്കറ്റ് ടീമിനെ യുഇയിലെത്തിക്കുന്നത്. ഇവിടെ പ്രമുഖ ക്ലബുകളുമായി ആറു സൗഹൃദ മത്സരങ്ങള്‍ നടക്കും. കേരളത്തിനു പുറമെ മേഘാലയ, കര്‍ണാടക എന്നിവിടങ്ങളില്‍ നിന്നുള്ള കളിക്കാരാണ് ടീമിലുള്ളത്. ഫോര്‍ ഹെര്‍ എന്ന പേരില്‍ തുടക്കമിട്ട വനിതാ ശാക്തീകരണ പദ്ധതിയുടെ ഭാഗമായാണ് ഈ പര്യടനമെന്ന് പ്ലേ ട്രൂ അറിയിച്ചു. 

യുഎഇയിലെ ആദ്യകാല ക്രിക്കറ്റ് അക്കാദമികളിലൊന്നായ ജി ഫോഴ്‌സുമായി സഹകരിച്ചാണ് 10 ദിവസം നീണ്ടു നില്‍ക്കുന്ന പര്യടനം സംഘടിപ്പിക്കുന്നത്. മുന്‍ സൗരാഷ്ട്ര താരം ഗോപാല്‍ ജസപറയാണ് ജി ഫോഴ്‌സിന്റെ മുഖ്യ പരിശീലകന്‍. പെണ്‍കുട്ടികള്‍ക്ക് ക്രിക്കറ്റില്‍ വലിയ അവസരം തുറന്നു നല്‍കാനും അവര്‍ക്ക് രാജ്യാന്തര അനുഭവം പകര്‍ന്നു നല്‍കാനുമാണ് യുഎഇ പര്യടനം സംഘടിപ്പിക്കുന്നതെന്ന് പ്ലേ ട്രൂ സിഇഒ സോണിയ അനിരുദ്ധന്‍ പറഞ്ഞു.

Continue Reading

Sports

ഫുട്ബോൾ ദൈവം മടങ്ങി; ദൈവത്തിന്റെ കൈകളിലേക്ക്

പാതിവഴിയിൽ മുറിഞ്ഞ പാട്ടുപോലെ, മറഡോണ ജീവിതം മതിയാക്കി പോകുമ്പോൾ ബാക്കിയാകുന്നത് ശൂന്യത മാത്രമാണ്.

Published

on

ലോകത്തെ വിസ്മയിപ്പിച്ച കളികളിലൊന്നാണ് ഫുട്‌ബോൾ. എന്നാൽ ഫുട്‌ബോളിനേക്കാളും ലോകത്തെ വിസ്മയിപ്പിച്ച ഒരു മനുഷ്യനെയുള്ളൂ. അത് മറഡോണയാണ്. കളിക്കളത്തിൽ അയാൾ രാജാവായിരുന്നു. കളിക്കളത്തിന് പുറത്തും അയാൾ രാജാവായിരുന്നു. ചിലപ്പോഴെല്ലാം ദൈവവും. പാതിവഴിയിൽ മുറിഞ്ഞ പാട്ടുപോലെ, മറഡോണ ജീവിതം മതിയാക്കിപോകുമ്പോൾ ബാക്കിയാകുന്നത് ശൂന്യത മാത്രമാണ്.

ഗ്യാലറികളിൽ ലക്ഷങ്ങളുണ്ടാകുമ്പോഴും അവിടെ മറഡോണയില്ലെങ്കിൽ മുഴവൻ മൈതാനങ്ങളും ശൂന്യമാണ്. മറഡോണക്ക് വേണ്ടി മാത്രമാണോ ലോകം ഫുട്‌ബോൾ തട്ടുന്നത് എന്ന് തോന്നിപ്പിക്കുമാറ് ഫുട്‌ബോളിനെ തന്റെ കാലിലേക്ക് ചുരുക്കാൻ ഈ താരത്തിന് കഴിഞ്ഞു.


മറഡോണയേക്കാൾ മികച്ച താരങ്ങൾ ഇനിയുമുണ്ടായേക്കും. പക്ഷെ, മറഡോണക്ക് പകരം മറ്റൊരു താരം വരാനില്ല.കളിയിലെ മികവിൽ മാത്രമല്ല, കളിക്കളത്തിന് പുറത്തെ രാഷ്ട്രീയത്തിലും മറഡോണക്ക് സമം മറ്റൊന്നില്ല.കയ്യിൽ ചെഗുവേരയും കാലിൽ ഫിദൽ കാസ്‌ട്രോയും. ചിലപ്പോഴൊക്കെ തലയിൽ അറബ് വേഷവും..

ശരിക്കും ആരായിരുന്നു മറഡോണ..വെറും കളിക്കാരൻ മാത്രമായിരുന്നില്ല.ലോകം കീഴടക്കാൻ വന്നവനായിരുന്നു. ചിലർ അയാളെ ദൈവം എന്ന് വിളിച്ചു.ചിലർ ദൈവത്തിന്റെ കയ്യുള്ളവൻ എന്ന് പറഞ്ഞു..മറഡോണ മനുഷ്യനായിരുന്നു.മനുഷ്യന്റെ എല്ലാമുള്ള ഒരാൾ..

ലോകം ഒരു പന്തിലേക്ക് ചുരുങ്ങുന്ന പോലെ…ലോകം ഒരൊറ്റ മറഡോണയിലേക്ക് ചുരുങ്ങുന്നു.യാത്ര പറയാതെ പോകുന്ന ഒരാൾ..മൈതാനത്തിൽനിന്ന് ഉയർത്തിയടിച്ച പന്ത് ആകാശം തൊടുന്ന പോലെ..മറഡോണ ഇനി ആകാശത്തിലിരുന്ന് കളി കാണും. നക്ഷത്രങ്ങൾക്കിടിയിലിരുന്ന്…വിട.. പ്രിയ താരമേ..

Continue Reading

Sports

മറഡോണയുടെ പേര് കാലിൽ കുത്തിയ വിജയൻ, ദൈവത്തെ തൊട്ടതിന്റെ നെഞ്ചിടിപ്പോടെ ജീവിക്കും

തിരുവനന്തപുരത്ത് ഒരു സിനിമയുടെ ലൊക്കേഷനിലിരിക്കെയാണ് ആ ദുരന്ത വാർത്ത ഫോണിൽ എത്തിയത്

Published

on


ഇന്ത്യയുടെ കറുത്ത മുത്ത് ഫുട്ബോൾ താരം വിജയന്റെ ഇടതുകാലിൽ പച്ചക്കുത്തിയിട്ടുണ്ട്. സാക്ഷാൽ മറഡോണയുടെ പേരും ജഴ്സി നമ്പറും മറഡോണയുടെ കളി കണ്ട് തുടങ്ങിയതാണ് ഈ ആരാധന. സന്തോഷ് ട്രോഫിയിൽ സിസർ കട്ടിലൂടെ ഗോളടിച്ചതിന്റെ ഇരുപത്തിയഞ്ചാം വാർഷികമായിരുന്നു ഇന്നലെ. തിരുവനന്തപുരത്ത് ഒരു സിനിമയുടെ ലൊക്കേഷനിലിരിക്കെയാണ് ആ ദുരന്ത വാർത്ത ഫോണിൽ എത്തിയത്. ഒരു നിമിഷ നേരം ഞെട്ടിത്തരിച്ചു നിന്നു പോയി. പ്രിയപ്പെട്ട സുഹൃത്ത് കലാഭവൻ മണി മരിച്ചപ്പോഴുണ്ടായ അതേ നിമിഷങ്ങളിലൂടെയാണ് ആ സമയം മനസ് കടന്നുപോയത്. 

ബോബി ചെമ്മണ്ണൂരിനൊപ്പം കണ്ണൂരിൽ എത്തിയ മറഡോണയെ വാരിപ്പുണർന്ന നിമിഷങ്ങളും ഹൃദയത്തിലേക്ക് ഓടിയെത്തി. സ്വപ്നമാണെന്ന് ഇപ്പോഴും കരുതുന്ന ആ നിമിഷം. ലോകം കണ്ട എക്കാലത്തേയും മികച്ച ഫുട്ബോൾ ഇതിഹാസം മറഡോണയുമായി പന്തു തട്ടിയതും അദ്ദേഹത്തെ കെട്ടിപ്പിടിക്കാൻ കഴിഞ്ഞതുമെല്ലാം ഈ ജന്മത്തിൽ ലഭിച്ച ഒരു ഭാഗ്യമായി വിജയൻ ഇന്നും കരുതുന്നു. 

ഫുട്ബോൾ കളി തുടങ്ങിയ കാലം തൊട്ടേ ആരാധന മറഡോണയോടായിരുന്നു. ഇഷ്ടപ്പെട്ട ടീം അർജന്റീന അല്ലാതിരുന്നിട്ടു കൂടി മറഡോണയെ നെഞ്ചിലേറ്റി ജീവിച്ചു. ഓരോ തവണ കളിക്കാനിറങ്ങുമ്പോഴും മനസിനെ സ്വാധീനിച്ചിരുന്ന കളിക്കാരൻ. മൈതാനത്തിന്റെ മധ്യഭാഗത്തു നിന്ന് എതിർ ടീം അംഗങ്ങളെ വെട്ടിച്ച് വെട്ടിച്ച് മുന്നേറി ഗോൾ വല ചലിപ്പിച്ച മറഡോണ.

ഫുട്ബോൾ എന്ന മതമുണ്ടെങ്കിൽ അതിന്റെ ദൈവം ആര് എന്ന വാക്കിന് ഒരേയൊരു ഉത്തരം. മറഡോണ. ആ ദൈവം സാക്ഷാൽ ദൈവത്തിന്റെ കൈകളിലേക്ക് മടങ്ങുമ്പോൾ കൂട്ടായി നിരവധി ഓർമകളുണ്ട്. ഒപ്പം ശരീരത്തിൽ ആ പച്ചക്കുത്തിയ പേരും നമ്പറും. ഐ.എം.വിജയൻ ഇതുപറയുന്പോൾ കണ്ണുകൾ നനഞ്ഞിരുന്നു.

Continue Reading
Advertisement

Trending

Copyright © 2020 Nowit Media.