Connect with us

India

കോവിഡിനെ തോല്‍പ്പിച്ച് രോഗമുക്തി നേടിയവര്‍ക്ക് പറയാനുള്ളത് ഇതാണ്

കൊറോണ വൈറസിനോട് പൊരുതി ജയിച്ച് രോഗം സുഖപ്പെട്ട് തിരിച്ചെത്തിയവര്‍ നൽകുന്ന പാഠം

Published

on

ഇന്ത്യയില്‍ കോവിഡ്19 ബാധിതരുടെ എണ്ണം ക്രമേണ വര്‍ധിച്ച് ഏപ്രില് 11ഓടെ 7,447 ആയിട്ടുണ്ട്. ഇവരില്‍ 643 പേര്‍ രോഗമുക്തി നേടിയവരാണെന്നും ആരോഗ്യ മന്ത്രാലയം അറിയിക്കുന്നു. മാരകമായ കൊറോണ വൈറസിനോട് പൊരുതി ജയിച്ച് രോഗം സുഖപ്പെട്ട് സാധാരണ ജീവിതത്തിലേക്ക് തിരിച്ചെത്തിയ ഇവര്‍ പറയുന്നത് നമുക്ക് വലിയ പാഠമാകും. രാജ്യത്തിന്റെ വിവിധ ഭാഗങ്ങളിലായി രോഗമുക്തി നേടിയ അഞ്ചു പേര്‍ അവരുടെ അനുഭവം ഇന്ത്യാ ടുഡേ ടിവിയുമായി പങ്കുവെയ്ക്കുകയുണ്ടായി. അവര്‍ പറയുന്നത് എന്താണെന്നു നോക്കാം.

വീട്ടില്‍ അടച്ചിരിക്കുക, കൈകള്‍ സോപ്പിട്ട് കഴുകുക

എഡിന്‍ബറോ യൂണിവേഴ്‌സിറ്റിയില്‍ ബിരുദാനന്തര ബിരുദ വിദ്യാര്‍ത്ഥിയായ 24കാരി മൊനാമി ബിസ്വാസ് എന്ന കൊല്‍ക്കത്ത സ്വദേശിയാണ് കോവിഡ്19 രോഗമുക്തി നേടിയവരില്‍ ഒരാള്‍. മാര്‍ച്ചിലാണ് യുകെയില്‍ നിന്ന് ഇന്ത്യയില്‍ തിരിച്ചെത്തിയത്. രണ്ടാഴ്ച ക്വാരന്റീനല്‍ കഴിഞ്ഞു. ഇതിനിടെയാണ് കോവിഡ് സ്ഥിരീകരിച്ചത്. ഒരിക്കലും ഭയക്കേണ്ടതില്ലെന്നാണ് മനോമിക്ക് പറയാനുള്ളത്. ആരോഗ്യദായകമായ ഭക്ഷണങ്ങള്‍ കഴിച്ച് ആരോഗ്യത്തോടെ വീട്ടില്‍ തന്നെ ഇരിക്കുക. രോഗ ലക്ഷണങ്ങള്‍ കണ്ടാല്‍ ഉടന്‍ ഡോക്ടറെ വിവരം അറിയിക്കുക. എല്ലാ മുന്‍കരുതലുകളും സ്വീകരിക്കുക- ഇതാണ് മനോമിയുടെ സന്ദേശം.

അതീവ ജാഗ്രത തന്നെ വേണം

നേപ്പാളില്‍ നിന്ന് 10 ദിവസത്തെ സന്ദര്‍ശനം കഴിഞ്ഞ് പട്‌നയില്‍ തിരിച്ചെത്തി ഒരാഴ്ച കഴിഞ്ഞതിനു ശേഷമാണ് 45കാരി അനിത വിനോദിന് കോവിഡ്19 സ്ഥിരീകരിച്ചത്. പിന്നീട് പട്‌ന എയിംസിലെത്തി ഐസലേഷനില്‍ കഴിഞ്ഞു. തീര്‍ത്തും ഒറ്റപ്പെട്ട അവസ്ഥയായിരുന്നു. എങ്കിലും കുടുംബവും സുഹൃത്തുകളും പ്രതീക്ഷ നല്‍കി. എങ്കിലും ഭയക്കേണ്ടതില്ല, കൊറോണയെ കീഴ്‌പ്പെടുത്താനാകുമെന്നാണ് അനിതയ്ക്കു പറയാനുള്ളത്. ലോകത്തിന്റെ വിവിധ ഭാഗങ്ങളില്‍ നിന്നുള്ള കണക്കുകള്‍ കേട്ട് പരിഭ്രമിക്കേണ്ടതില്ല. അതീവ ജാഗ്രത പുലര്‍ത്തണമെന്നും അനിത പറയുന്നു.

സാമൂഹിക അകലം പാലിക്കുക, അടച്ചിട്ടിരിക്കുക

സ്‌കോട്‌ലാന്‍ഡില്‍ വിദ്യാര്‍ത്ഥിയായ പട്‌ന സ്വദേശി രാഹുല്‍ കുമാറിന് തിരിച്ച് ഇന്ത്യയിലെത്തും വരെ രോഗ ലക്ഷണങ്ങളൊന്നും ഉണ്ടായിരുന്നില്ല. വീട്ടിലെത്തിയ ശേഷം പിന്നീട് മുന്‍കരുതലെന്ന നിലയില്‍ നടത്തിയ പരിശോധനയിലാണ് കോവിഡ് സ്ഥിരീകരിച്ചത്. ഇതറിഞ്ഞെങ്കിലും പതറിയില്ല. ഈ രോഗത്തെ മനക്കരുത്ത് കൊണ്ട് പൊരുതി തോല്‍പ്പിക്കുമെന്ന് ഉറപ്പിക്കുകയായിരുന്നുവെന്നും രാഹുല്‍ പറയുന്നു.

ലക്ഷണങ്ങളില്ലെങ്കിലും വീട്ടില്‍ തന്നെ ഇരിക്കൂ

കോവിഡ്19 സ്ഥിരീകരിച്ചതോടെ ചുറ്റുമുള്ളവരുടെ പെരുമാറ്റവും ഭാവവും മാറിയത് വേദനിപ്പിച്ചുവെങ്കിലും രോഗം സുഖപ്പെട്ട് തിരിച്ചെത്തിയ സന്തോഷത്തിലാണ് രോഹിത് ദത്ത. ഒരിക്കലും ഭയപ്പെടേണ്ടതില്ല. ഡോക്ടര്‍മാര്‍ എല്ലാ കാര്യങ്ങളും നോക്കിക്കൊള്ളും. രോഗ ലക്ഷണങ്ങള്‍ ഇല്ലെങ്കിലും വീട്ടില്‍ തന്നെ ഇരിക്കുക- എന്നാണ് രോഹിതിന് നല്‍കാനുള്ള സന്ദേശം.

രോഗക്കിടക്കയില്‍ കൈമുതലായത് ശുഭാപ്തി വിശ്വാസം

കോവിഡ് ബാധയില്‍ നിന്നും രോഗമുക്തി നേടിയ മറ്റൊരാളാണ് സൂറത്ത് സ്വദേശിയായ റിത ബക്കന്‍വാല. സാധാരണ പോലെ വരണ്ട ചുമയാണ് ആദ്യം കണ്ട ലക്ഷണം. ലക്ഷണങ്ങള്‍ കണ്ടാല്‍ ഉടന്‍ ഒരു സര്‍ക്കാര്‍ ആശുപത്രിയിലെത്തുക. ഒരിക്കലും വൈകരുതെന്ന് ഈ വിദ്യാര്‍ത്ഥിനിക്ക് പറയാനുള്ളത്. വരാനിരിക്കുന്ന പരീക്ഷയ്ക്കു പഠിക്കുകയായിരുന്നെങ്കിലും ഭയപ്പെട്ടില്ല. രോഗബാധ സ്ഥിരീകരിച്ചതു മുതല്‍ സുഖം പ്രാപിക്കുന്നതുവരെ ചുറ്റും ശുഭാപ്തി നിറഞ്ഞ അന്തരീക്ഷമായിരുന്നു.

India

‘ചാണക ചിപ്പ്’ റേഡിയേഷന്‍ കുറക്കുമോ? കേന്ദ്ര സർക്കാർ പറയുന്നത് ഇങ്ങനെ

പശുവിന്റെ ചാണകം ഉപയോഗിച്ച് നിര്‍മിച്ച ചിപ്പ് മൊബൈല്‍ റേഡിയേഷന്‍ ഗണ്യമായി കുറക്കുമെന്ന് രാഷ്ട്രീയ കാമധേനു ആയോഗ് ചെയര്‍മാന്‍ വല്ലഭ്ഭായ് കഥിരിയ അവകാശപ്പെട്ടു

Published

on

ന്യൂദല്‍ഹി: മൊബൈല്‍ ഹാന്‍ഡ്‌സെറ്റുകളില്‍ നിന്നുള്ള റേഡിയേഷന്‍ കുറക്കാന്‍ സഹായിക്കുന്ന ‘ഗൗസത്വ കവച്’ എന്ന പേരിലുള്ള പ്രത്യേക ചിപ്പ് കേന്ദ്ര മൃഗസംരക്ഷണ മന്ത്രാലയത്തിനു കീഴിലുള്ള രാഷ്ട്രീയ കാമധേനു ആയോഗ് അവതരിപ്പിച്ചു.  ഈ ചിപ് പശുവിന്റെ ചാണകം ഉപയോഗിച്ചാണ് നിര്‍മിച്ചിരിക്കുന്നത്. ഇത് മൊബൈല്‍ റേഡിയേഷന്‍ ഗണ്യമായി കുറക്കുമെന്ന് രാഷ്ട്രീയ കാമധേനു ആയോഗ് ചെയര്‍മാന്‍ വല്ലഭ്ഭായ് കഥിരിയ അവകാശപ്പെട്ടു.  ‘ഇത് മൊബൈലില്‍ സൂക്ഷിക്കാവുന്ന ഒരു റേഡിയേഷന്‍ ചിപ് ആണ്. ഇത് റേഡിയേഷന്‍ ഗണ്യമായി കുറക്കുന്നത് ഞങ്ങള്‍ കണ്ടിട്ടുണ്ട്. നിങ്ങള്‍ക്ക് രോഗങ്ങളെ മാറ്റിനിര്‍ത്തണമെങ്കില്‍ ഈ ചിപ്പ് ഉപയോഗിക്കാം,’ അദ്ദേഹം പറഞ്ഞു. പശുവിന്‍ ചാണകം റേഡിയേഷന്‍ പ്രതിരോധകമാണ്. ഈ ചിപ്പ് വീട്ടില്‍ സൂക്ഷിച്ചാല്‍ അവിടെയും റേഡിയേഷന്‍ മുക്തമാകുമെന്നും ഇതെല്ലാം ശാസ്ത്രം അംഗീകരിച്ചതാണെന്നും അദ്ദേഹം അവകാശപ്പെട്ടു. രാജ്‌കോട്ടിലെ ശ്രിജീ ഗോശാലയാണ് ഈ ചിപ്പ് നിര്‍മ്മിച്ചിരിക്കുന്നത്.

Continue Reading

India

ഇന്ത്യയുടെ സാമ്പത്തിക വളര്‍ച്ചയില്‍ ചരിത്രത്തിലെ ഏറ്റവും വലിയ ഇടിവ് 

ജിഡിപി വളര്‍ച്ചാ നിരക്കില്‍ 23.9 ശതമാനം കുത്തനെ ഇടിവ് രേഖപ്പെടുത്തി. ഏപ്രില്‍-ജൂണ്‍ ത്രൈമാസ കാലയളവിലാണിത്

Published

on

ന്യൂദല്‍ഹി: 2020-21 സാമ്പത്തിക വര്‍ഷം ആദ്യ പാദത്തിലെ രാജ്യത്തിന്റെ സാമ്പത്തിക വളര്‍ച്ചാ നിരക്കുകള്‍ പ്രസിദ്ധീകരിച്ചു. ആഭ്യന്തര മൊത്ത ഉല്‍പ്പന്ന(ജിഡിപി) വളര്‍ച്ചാ നിരക്കില്‍ 23.9 ശതമാനം കുത്തനെ ഇടിവ് രേഖപ്പെടുത്തി. ഏപ്രില്‍-ജൂണ്‍ ത്രൈമാസ കാലയളവിലാണിത്. മുന്‍ സാമ്പത്തിക വര്‍ഷം ഇതേപാദത്തില്‍ ജിഡിപി 5.2 ശതമാനം വളര്‍ച്ച രേഖപ്പെടുത്തിയിരുന്നു. ഇന്ത്യന്‍ സമ്പദ്ഘടനയുടെ ചരിത്രത്തിലെ ഏറ്റവം മോശം പ്രകടനമാണിത്. കോവിഡ് വ്യാപനത്തെ തുടര്‍ന്ന് മാര്‍ച്ച് 25 മുതല്‍ കേന്ദ്ര സര്‍ക്കാര്‍ ലോക്ഡൗണ്‍ നടപ്പിലാക്കിയതിനാല്‍ ഉല്‍പ്പാദന മേഖലയും സേവനമേഖലയും പൂര്‍ണമായും നിശ്ചലമായതാണ് സാമ്പത്തിക രംഗത്ത് വലിയ പ്രത്യാഘാതമുണ്ടാക്കിയത്.

തൊട്ടു മുമ്പത്തെ പാദത്തില്‍ 3.1 ശതമാനം വളര്‍ച്ച രേഖപ്പെടുത്തിയിരുന്നു. ഇതാണ് മൂന്നു മാസത്തിനിടെ 23.9 ശതമാനമായി കൂപ്പുകുത്തിയതെന്ന് കേന്ദ്ര സ്റ്റാറ്റിസ്റ്റിക്‌സ് മന്ത്രാലയം പ്രസിദ്ധീകരിച്ച സാമ്പത്തിക ഫലം വ്യക്തമാക്കുന്നു. ഇതു പ്രതീക്ഷിതച്ചതായിരുന്നു. സാമ്പത്തിക വിദഗ്ധരും വിവിധ ഏജന്‍സികളും വളര്‍ച്ചാ നിരക്കില്‍ 16.5 ശതമാനം മുതല്‍ 18 ശതമാനം വരെ ഇടിവുണ്ടാകുമെന്ന് നേരത്തെ പ്രവചിച്ചിരുന്നു. നാഷണല്‍ സ്റ്റാറ്റിസ്റ്റിക്കല്‍ ഓര്‍ഗനൈസേഷന്റെ കണക്കു പ്രകരാം കാര്‍ഷിക മേഖല ഒഴികെ മറ്റെല്ലാ പ്രധാന മേഖലകളിലും വളര്‍ച്ചാ ഇടിവ് ഉണ്ടായി. നിര്‍മാണ മേഖലയില്‍ 50.3 ശതമാനമാണ് ഇടിവ്. ഉല്‍പ്പാദന രംഗത്ത് 39.3 ശതമാനവും. ഇലക്ട്രിസിറ്റി, ഗ്യാസ്, കുടിവെള്ളം തുടങ്ങി അവശ്യ സേവന മേഖലകളില്‍ ഏഴു ശതമാനവും വ്യാപാരം, ഹോട്ടല്‍, ഗതാഗതം, കമ്യൂണിക്കേഷന്‍ രംഗത്ത് 47 ശതമാവും വളര്‍ച്ച ഇടിഞ്ഞു.

Continue Reading

India

ബിജെപിക്ക് തുറന്ന പിന്തുണ; മോഡിയുടെ ജയത്തിനും സഹായിച്ചുവെന്ന് വിവാദ ഫേസ്ബുക്ക് ഉദ്യോഗസ്ഥ

Published

on

ന്യൂദല്‍ഹി: ബിജെപി നേതാക്കളുടെ വിദ്വേഷ, വര്‍ഗീയ പോസ്റ്റുകള്‍ ഫേസ്ബുക്കില്‍ നിന്നും നീക്കം ചെയ്യുന്നത് തടഞ്ഞ് വിവാദത്തിലായ ഇന്ത്യയിലെ ഫേസ്ബുക്ക് പബ്ലിക് പോളിസി ഡയറക്ടര്‍ അംഘി ദാസിനെതിരെ ഗുരുതര വെളിപ്പെടുത്തലുമായി അമേരിക്കന്‍ പത്രമായ വോള്‍ സ്ട്രീറ്റ് ജേണല്‍ വീണ്ടും. വര്‍ഷങ്ങളായി ഫേസ്ബുക്ക് ജീവനക്കാരുടെ ഗ്രൂപ്പില്‍ അംഘി ദാസ് ബിജെപിയെ പിന്തുണച്ച് മെസേജുകള്‍ ഇടാറുണ്ടെന്നും 2014ലെ ദേശീയ തെരഞ്ഞെുപ്പില്‍ ബിജെപിയും നരേന്ദ്ര മോഡിയും ജയിച്ചതിനു പിന്നിലെ ഫേസ്ബുക്കിന്റെ സഹായത്തെ കുറിച്ച് പറഞ്ഞിരുന്നതായി വോള്‍ സ്ട്രീറ്റ് ജേണലിന്റെ പുതിയ റിപോര്‍ട്ടില്‍ പറയുന്നു. വിദ്വേഷ പ്രചരണം തടയുന്നതിനുള്ള ഫേസ്ബുക്കിന്റെ നയത്തിനും ചടങ്ങള്‍ക്കും വിരുദ്ധമായി ബിജെപി നേതാക്കളുടെ ഇത്തരം പോസ്റ്റുകള്‍ പ്രചരിപ്പിക്കാന്‍ പ്രോത്സാഹിപ്പിച്ച അംഘി ദാസിനെതിരായ പ്രതിഷേധം തണുക്കും മുമ്പാണ കൂടുതല്‍ ഗൗരവമേറിയ പുതിയ വെളിപ്പെടുത്തല്‍.

നിരവധി ഫേസ്ബുക്ക് ജീവനക്കാര്‍ അംഗങ്ങളായ ഗ്രൂപ്പില്‍ 2012നും 2014നുമിടയിലാണ് അംഘി ദാസ് ബിജെപിയെ പിന്തുണച്ച് സ്ഥിരമായി മേസേജുകള്‍ പോസ്റ്റ് ചെയ്തിരുന്നതെന്ന് റിപോര്‍ട്ട് പറയുന്നു. കമ്പനിയുടെ ഇന്ത്യയിലെ ജവനക്കാര്‍ക്കു വേണ്ടിയുള്ളതായിരുന്നു ഈ ഗ്രൂപ്പെങ്കിലും മറ്റു രാജ്യങ്ങളിലെ ജീവനക്കാരും ഇതിലുണ്ടായിരുന്നു. മോഡി 2014ല്‍ വീണ്ടും ജയിച്ചപ്പോല്‍ ഈ ഗ്രൂപ്പില്‍ അംഘി ദാസ് പോസ്റ്റ് ചെയ്ത സന്ദേശം ‘അദ്ദേഹത്തിന്റെ സോഷ്യല്‍ മീഡിയാ കാമ്പയിന് നാമാണ് തിരികൊളുത്തിയത്. ബാക്കി ചരിത്രം’ എന്നായിരുന്നു. ‘ഒടുവില്‍ ഇന്ത്യെ സ്‌റ്റേറ്റ് സോഷ്യലിസത്തില്‍ നിന്നു മുക്തമാക്കാന്‍ 30 വര്‍ഷത്തെ അടിത്തട്ടിലുള്ള പ്രവര്‍ത്തനങ്ങള്‍ വേണ്ടി വന്നു’ എന്നായിരുന്നു കോണ്‍ഗ്രസിന്റെ പരാജയത്തില്‍ സന്തോഷം പ്രകടിപ്പിച്ച് അംഘി ദാസിന്റെ മറ്റൊരു സന്ദേശമെന്നും വോള്‍ സ്ട്രീറ്റ് ജേണല്‍ പറയുന്നു. മോഡിക്കു വേണ്ടി നടത്തിയ പ്രചാരണത്തില്‍ ദീര്‍ഘകാല സഹായിയായി അംഘിദാസ് വിശേഷിപ്പിക്കുന്നത് ഫേസ്ബുക്കിലെ ആഗോള തെരഞ്ഞെടുപ്പു കാര്യ ഉദ്യോഗസ്ഥ കാറ്റീ ഹര്‍ബാത്തിനേയാണ്.

മുസ്‌ലിംകള്‍ തരംതാണ സമൂഹമാണെന്നും മതനിഷ്ഠയും ശരീഅ നടപ്പാക്കലും കഴിഞ്ഞു മാത്രമെ മറ്റെല്ലാമുള്ളൂവെന്നും തന്റെ ഫേസ്ബുക്കില്‍ അംഘി ദാസ് പോസ്റ്റിട്ടിരുന്നു. ഈ പോസ്റ്റിന്റെ പേരില്‍ അംഘി ദാസ് ഈയിടെ ഫേസ്ബുക്കിലെ മുസ്‌ലിം ജീവനക്കാരോട് മാപ്പപേക്ഷിച്ചതായി ബസ്ഫീഡ് ഈയിടെ റിപോര്‍ട്ട് ചെയ്തിരുന്നു. ഫേസ്ബുക്ക് ഇന്ത്യയില്‍ ഉള്ളടക്കം നിയന്ത്രിക്കുന്നതിനും വിദ്വേഷം തടയുന്നതിനും വേണ്ട മതിയായ നടപടിക്രമങ്ങള്‍ പാലിക്കപ്പെടുന്നുേേണ്ടാ എന്നു ചോദ്യം ചെയ്ത് നിരവധി ഫേസ്ബുക്ക് ജീവനക്കാര്‍ രംഗത്തു വന്നതായും റോയിട്ടേഴ്‌സ് റിപോര്‍ട്ട് ചെയ്തിരുന്നു.

അംഘി ദാസിനെതിരായ ആദ്യ വോള്‍ സ്ട്രീറ്റ് ജേണല്‍ റിപോര്‍ട്ട് പുറത്തു വന്നപ്പോള്‍ ഫേസ്ബുക്ക് തുറന്നതും സുതാര്യവും നിഷ്പക്ഷവുമാണെന്നായിരുന്നു കമ്പനിയുടെ ഇന്ത്യാ മേധാവി അജിത് മോഹന്റെ പ്രതികരണം. വിദ്വേഷ പ്രചരണത്തെ പിന്തണച്ചതു സംബന്ധിച്ച് അംഘി ദാസ് ഉള്‍പ്പെടെയുള്ള ഫേസ്ബുക്ക് ജീവനക്കാരുടെ വാദം ബുധനാഴ്ച പാര്‍ലമെന്റിന്റെ ഐടികാര്യ സമിതി കേള്‍ക്കാനിരിക്കുകയാണ്. കോണ്‍ഗ്രസ് എംപി ശശി തരൂരാണ് ഈ സമിതി ചെയര്‍മാന്‍. ഫേസ്ബുക്കിനോട് വിശദീകരണം തേടിയ തൂരരിന്റെ നടപടിക്കെതിരെ സമിതി അംഗങ്ങളായ ബിജെപി നേതാക്കളും രംഗത്തുവന്നിരുന്നു.

Continue Reading
Advertisement

Trending

Copyright © 2020 Nowit Media.